ازاي تبقي غلس

موضوع: ازاي تبقي غلس الإثنين يناير 25, 2010 2:39 am

أولا يجب عليك ان تتعلم مباديء الغلاسه التي يجب توافرها في أي غلس وهي :
لما تسأل واحد وتقلوا أقول ولا مقولش ..يقلك قول ..قله قول وطعميه .

لما تسأل واحد وتقله صح ولا غلط ..يقلك صح ..قله صح النوم

لما تسأل واحد وتقله الكلام دا حصل ..قالك حصل ..قله حصل وطحينه

لما واحد يقلك انا جيت نورت البيت قله ..لا دا نور الكهربه

لما تسأل واحد وتقله دا احلى ولا دا ..وقالك سيان ..قله سيانى بتوجعنى انا لازم اروح لدكتور السيان

لماتسال واحد ايه رايك فى حاجه ..وقالك جامده ..قله جامده برباط ... و لا جامدة ما بتتكسرش

لما تلاقى واحد لابس شيك كده او عامل حاجه حلوة ..قله ايه الحلاوه ديه مافيش جبنه

لما واحد يقلك انه بيعمل حاجه ومش راضيه تتعمل ..قله ما انت فقر .... اه فقر وقطه

لما واحد يقلك طز فى اي حد .. قله طز بلبن

لما واحد يقلك دا انا مفيش زييي واحنا اللى دهنا الهوا دوكو .. قله احنا اللى عملنا الهوا كروهات ... ولبسنا السمك مايوهات ... وخرمنها لما حبينا نغرقوا

لما تلاقى شب بيستظرف قله : ايه يلا العسل ده مولود ف بالاص ولا امك نحله

لو لقيت حد لابس قميس مكرمش قله ايه القميص الى طالع من بق كلب ده .... ولو لون القميس غريب قله مافيش منه رجالى ده

لو حد استظرف عليك قال على قميصك مافيش منه رجالى ... قله لا والله ده اخر واحد

لو حبيت تخنق حد قله معاك ولا عه يقولك لا – ولا كبريت .... لا – ولا ظلتين عشان نولع بالشراره ... لا – طب معاك بوتجاز .... لا - ؟؟؟امال بتاكل الأكل نى ولا ايه .....

الخ الخ لحد مايضربك

لو اضربت انا ماليش دعوه

الحمد لله انا بقيت غلس
حد عايز من الغلاسه شويه
انا اتعلمت الغلاسه واخدت شهاده فيها من المنتدى
وربنا معاكوا وتتعلموا
بس ملحوظه :

ماحدش يستخدم الغلاسه غير فى مكانها
حد هيقولى فين مكانها
مكانها لما حد يغلس عليك تغلس عليه وترزل كمان لو مش عاجبه
ولو ضربك انا ماليش دعوه

» ازاي تشتغل نفسك؟!! ــــــ