مرشح فى دائرة تمى الامديد لايذكر اسمها فى دعاياه الانتخابيه

[center] السلام عليكم ورحمة الله وبركاته
اعذرونى ياخوانى بسبب بعدى عنكم الفتره الماضيه بسبب انشغالى
والنهارده جايب خبر جديد عن مرشح لمجلس الشعب

المرشح الذى يتبرى من اسم بلده تمى الأمديد اللى هى اصلا البلد اللى مترشح فيها

العضو المحترم الحااااااااج ثروت الغندور فى دعاياه الانتخابيه ذكر اسم بلده ظفر - دقهليه فى احدى
الدعايه الخاصه بيه فهل هذا رجل يستحق ان نأتمنه على بلدنا
اما ماذا
واليكم صوره من الاعلان

سبحان الله وبحمده سبحان الله العظظيم


بارك الله فى الدكتور يحيى عطيه سليمان
رجل والرجال قليل

شوفت النداله وقلة الاصل

السلام عليكم يا شباب

اولا احب اوضح حاجه للادمن اللى جاب الكارت بتاع الحاج ثروت الغندور

لو على الكارت اللى حضرتك جايبه فالكارت دا معمول هديه للحاج ثروت واظن مفيش مرشح من المرشحين فى الدائره دى عمل كارت وعليه ارقام التليفونات بتاعته

وبعدين مفيش عضو من اعضاء مجلش الشعب قدملك خدمه تخدم الجميع زى الخدمه اللى قدمها الحاج ثروت لطلبه تمى الامديد والقرى المجاورة لها ياريت يا حضرت الادمن لما تحب تفتح موضوع تعرف اول واخره وبعدين تتكلم عنه مش تهيص فى الهيصه وخلاص وبعدين انا اللى جاى الكارت دا بنفسى للحاج ثروت واللى عامله صاحب المطبعه واحنا منقدرش نلوم حد عليها وبعدين لو الحاج ثروت اللى عامل الكارت دا بنفسه دا معناه انه بيفتخر انه من ظفر ماشى ياريت منتهمش الناس بالباطل وكلنا المفروض نشكر الحاج ثروت الغندور على الخدمه اللى عاملها عشان الطلبه واظن مفيش بيت فى تمى الامديد مستفدش من مشروع الحاج ثروت اللى ريح الطلبه كله من الجرى ورا الميكروباصات طول النهار عشان يلحقوا كلياتهم وبعدين الرجل من ظفر مش من تمى يعنى بيفتخر ببلده اخر كلمه هقولها ليك ..... اتقى الله

اولا الحاج ثروت رجل اعمال وبيعمل شغل مع الناس ولازم ارقام تليفوناته علشان الناس تعرف
زى مكتب السفريات وحجز الرحلات
وانت فاهم طبعا
فهو حط ارقامه علشان منها تبقى دعايا للمجلس والشغل وليه
ماشى يافنان
ثانيا المشروع اللى انت بتقول عليه ده كان فى دماغ ناس كتير وكان كمان فى دماغى
بس مافيش راسمال ليه
وانت لو تعرف واحد من عندكم بيشتغل فى الحزب الوطنى كان ماشى ورا الموضوع ده وانا
اطلعت على ورق الطلب بتاع الاتوبيسات علشان الطلبه
فاهم ............

مش ملاحظ انك جاى على الراجل زياده عن الازم قولى مين فى المرشحين اللى قدموا يصلح مين السيد سلامه اللى ضحك على الناس كلها واولها بلده ولا ولاد تمى اللى عاملين ياكلوا فى بعض زى السمك ولا المرشح اللى انت منحاذ له وطول عمرنا اللى يعمل مصلحه تخدمنا وتريحنا على طول يطلع واحد يقول فى ناس كتير كان فى دماغها الموضوع دا بس عاوز راسمال اظن اللى مش قادر يعمل يبقى ميفكرش فى اللى عاوز يعمله والراجل مجاش وقال لو نجحت هعمل واعمل زى اللى قبله ما قال وضحك علينا ومحدش شافه بعد كدا الراجل عمل من غير ما يتكلم ويقول انا هعمل وبعدين موضوع الكارت انا قولت ليك دا معمول هديه ياريت متهصش فى الهيصه وبعدين انت بتقولى اطلعت على الاوراق بتاعه اتوبيسات للطلبه فى الحزب انت تبقى مين فى الحرب واظن حضرتك مش قد مشروع الاتوبيسات يبقى متفكرش فيه ..............اخر حاجه هقولها ليك ...... ثروت الغندور هو اصلح واحد للدايره وهو احسن من الجميع و فوق الجميع

جميل كلامك
بس انا مش منحاذ لأى مرشح ماتبصش لأسلام ابوا النجا اللى انا عامله اعلان فى المنتدى
الراجل ده انا هاجمته وعندك موضوع عنه وشوفه
هو اتبرع للمنتدى بمبلغ مالى علشان الاعلان بتاعه
وحسام المسرى انا كمان قولت عنه انه جايب عربيه كبده فى البيت وبيوزع على الناس سندوتشات كبده
وانشاء الله لسه ولسه هجيب وهجيب اخبار زى العسل عن المرشحين وفضايحهم
مع احترامى لللمحترمين

ملحوظه نسيت اضيفها سبق والأستاذ محمد عرفه مرشح الشعب الدوره السابقه
كان عامل ارقامه فى كارت زى بتاع الحاج ثروت
ليه عامل كده علشان محامى والناس تروحله
الناس دى قبل ماتفكر فى الناس بتفكر فى نفسها

بتفكر فى نفسها
بتفكر فى نفسها
بتفكر فى نفسها

عندنا جروب على الفيس بوك ياريت تدخله وتشوف وتشارك مع الشباب فيه وتشوف وتعرف اكتر عن كل المرشحين واجدد اخبارهم واخبار البلد والجديد فيها

https://www.facebook.com/group.php?gid=310946602437

بص انا احسن حاجه مردش عليك لان قله الكلام معاك احسن

فعلا لان انا عندى كلام كتير
وعندى لكل مشكلة حل
وعندى لكل سؤال رد

واضح ان انت مبتعرفش اصلا تتكلم انت سبت اعضاء المجلس اللى ضحكوا على الناس وجاى تتكلم عن راجل قدم خدمه للبلد مستفدش من ورا الخدمه دى باى حاجه غير شويه عيال قاعدين يتكلموا فى الفاضى ولاخ اللى داخل يقول الله على الدكتور يحيى انت شوفت الدكتور كام مره فى حياتك عمل ايه لاهل بلده ولا حاجه بس برضو احنا كدا اللى يدينا بالجزمه زى ما عمل محمد عبدالمعطى 2005 وزى ما عمل مصطفى الجندى والسيد سلامه نحترمه ونقول هو دا الراجل المناسب واللى يخدمنا ويعمل مصلحه نطلع ونقول كتير كانوا عاوزين يعملوا دا ياريت تسكت احسن وبطل تتكلم وانا ارهنك لو جه الراجل وقالك هساهم بمبلغ للسايت هيبقى حبيببك زى ما عمل اسلام هاجمته ولما دفع صورته اتحطت على السايت بس طول ما انا موجود هعرف ادافع عن الراجل اللى خدمنى انا وناس كتير زيى كنا بنجرى ورا الميكروباصات بس احنا كدا يبتوع تمى شويه ..... م

ياحبيبى مع ان اسلام ابوالنجا دفع فلوس وصورته على السايت لو لاقيت ليه حاجه هنشرها ومش هخاف منه لو اتكلم اعلانه هشيله واى حد كده انا مش هخاف من حد

ياعم تشيله ولا متشيلوش هو الموضوع بان انت عامل السايت دا تجاره اللى يدفعلك يبقى حبيبك وانا لو انت قولت ايه على الحاج ثروت مش هتاخد منه مليم واعلى ما فى خيلك اركبه وابقى سلملى على نفسك ولما تشووف افاك اعرف انى هخلى الحاج ثروت يديلك فلوس وعلى فكره لو انت بتجيب غلطات المرشحين كنت جبت الورقه اللى اتوزعت وفيها فضايح محمد عبد المعطى واتكلمت عن تجارته للاثار وقضيه السب والضرب للممرضه فى مستشفى السلاب والحكم عليه بشهر سجن وقضيه قتله ل محمود السعيد ونصبه على اهل بلده فى السعوديه بس انت عاوز فلوس بس انسى

اخى العزيز معذرة ليس لدى وقتا كافى للرد بإجابه كافيه الان
ولكن وضع اسم قريته والمحافظه ولم يضع اسم المدينه التابعه لها القريه فى اسفل الكارت
ولو دورنا على المرشحين هنتلاقى الاستاذ محمد عرفه مرشح تمى 2005 كان عامل كارت وكاتب فيه ارقام تليفوناته
يعنى الحاج ثروت معملش حاجه جديده

قولى يا حبيبى انت منين من اى بلد

تمى بلدى وخلى باااااااااااالك انا عارف كل أعضاء المنتدى وعرفك كمان وبنشوف بعض كتيييييير وهتتصدم اول ماتعرف انا مين

اانت مصمم علي انك تتهان يا شاطر روح العب بعيد ولعبة الانتخابات اكبر منك فلاتتدخل في مالا يعنيك كي لا تاخذ علي راسك مالايرضيك وبعدين انا عندي20 اميل كل ماتلغي عضويتي هشارك باميل جديد بدل ما تلغي العضوية خليك جريء وابعد عن الحاج ثروت لان هناك الف حيوان سوف يرد عليك مش الحاج ثروت هو اللي هيرد وعلي فكرة انا مش موجود في مصر انا في الامارات ونسيب الحاج ثروت

انا مش همسح تعليقك علشان ده هيبين احترامك لانك من اصل زباله

انت لاتستطيع فعل اي شيء لانك اقل من ذالك وان كان علي اصلك دور عليه احنا اصلا معروف وبيسمونا كويت مصر والمجلس مش محتاجينه احتا كنا عاوزين المجلس علشان خاطر قفاكم لانكم انضربتو عليه كتير انتم اللي بتجرو ورا مصالحكم مش احنا لاننا مش محتاجين احنا عندنا اللي مكفينا واسال وانت تعرف ظفر مين الظباط والمستشاريين ووكلاء النيابه والاطباء والمهندسيين ورجال الاعمال واصحاب الاطيان ده بكفيل يعمل لنا مصالحنا وبفلوسنا نعمل اللي احنا عاوزينه مش زييكم منتظريين الاحسان من حد والمجلس مش عاوزينه انتم الخسرانين

حبيبى احنا مطلبناش مسعدتكم وكل واحد فى بلدنا عارف اوزاى يساعد نفسه
ولو احنا منتظرين الاحسان مش هنتظر الاحسان من واحد زيك حقير ولابعرف كيف يرد بأدب

انت اللي انسان حقير انت عاوز تغلط في الناي ونصفق لك انت اول تعليق لك علي موضوع الجاج ثروت كتبت شوف النداله وقلة الاصل اهو انت بقي اللي ندل وقليل الادب وانا فاضي لك احرق في دمك ولازم اخليك تسيب المنتدي وتشوف لك منتدي تاني مع بتوع الحضانه يدوب علي قدك انت بتكتب علي الحاج ثروت لانه نجم اكتب علي السيد سلامه او مصطفي الجندي ولا انت بتخاف

انا نفسى تعرفنى بنفسك ولما تقابلنى قولى انا اللى بهاجم ثروت الغندور وعلى فكره مش هتصدم لما اعرف انت مين لان شباب تمى اتوقع منهم اى حاجه ... ولو طلع العيب من اهل العيب ميبقاش عيب وتمى هى العيب كله ولا نسيت اللى حصل عند المجمع الانتخابى ياريت تسكت احسن اصل انا عندى بلاوى كتير عن بتوع تمى وساكت

قول ياحبيبى اى بلوه وانشرها ولو خايف تنشرها فى المنتدى ابعتها ليا
وانا هنشرها

لا مش مستنيك تنشرلى حاجه بعدين هبقى انشر الحاجات دى على سايت ومكان له قيمته واعضاءه كتير بيعرفوا يتناقشوا ويردو

عادى براحتك بس احنا عندنا حاجه تانيه بننشر عليها زى حبل الغسيل كده لو عايز انا مش هتأخر

بص ياخ بيبو كلنا اخوات عيب قوى لما تقول كلام مش حلو فى حق ناس انت متعرفش عنهم حاجه انا مش بكلمك علشان انا منحا لحد معين انا مش مستفاد من حد لكن واحد فى سنكك المفروض مش صغير كلامه يكون موزون ويحترم اراء الاخيرين لكن التعبير عن الرأى مش بالاسلوب اللى انت بتتكلم بيه ده مينفعش عيب يابيبو الناس تنتقدك انا بظروفها بكتب على جوجل نتيجة الانتخابات فجبلى الموقع ده فبدور فيه لقيت كلامك وكلام غيرك باسلوب غريب اتمننى اننا منقذفش الناس بالباطل وردا على الاخ كولوبالى بالنسبة لموضوع الاتوبيسات ده تمى مش مستنيه من حد حاجه وموضوع انه كان فى دماغك او فى دماغ غيرك المهم مين اللى نفذ واللحاج ثروت يشكر ...... طيب ما الدورات اللى فاتت محدش عملها حاجه وزى ماهى انا ملحظتش تغير فى البلد وبالعكس حاجات مكملتش فيها وعيب كمان انك تقول على المهندس حسام المسرى كده او غيرة او غيرة عيب قوى يابيبو

الموضوع مغلق
بسبب عدم نجاح العضو