الحلقه الاولى
الاب..انتى ياوليه فين الفطار
الام..مفيش اكل فى البيت وعى راى المثل اطبخى ياجاريه كلف ياسيدى
الاب..انتى بتردى عليا طب عليا الطلاق ماانا واكل النهارده
الام..لا والنبى كل اصل الاكل مالى التلاجه ومش عارفه اوديه فين
الاب..انتى بتتريقى عليا طب تعالى بقى
وطبعا خدت العلقه بتاعت كل يوم
البنت..ياماما عايزه مصروفى هو انا كل يوم هروح الجامعه مشى
الام ..جتك وكسه مش لما نعرف نجيب الاكل ابقى اديكى مصروفك
البنت..يوووه امتى اخلص بقى واتجوز وارتاح
الولد..ياماما خلى ابويا يحن عليا بقى عايز اكلم البت بتاعتى ومعيش رصيد
وانا شكلى بقى وحش قوى كل يوم ابعتلها كلمنى شكرا مينفعش كده
الام..ومين الى امها داعيه عليها الى حبتك دى اكيد البت دى عاميه ومبتشوفش
علشان تحب موكوس زيك
الولد..انا زهقت من ام العيشه دى دى حياه تقصر العمر
الاب بقى راجع مش الشغل طالع عين امه
الام..اهلا انت شرفت
الاب..خدى جبتلكم نص كيلو موز
الام..يافرحتى بيك ياما جاب الغراب لامه
الاب..انتى مبترتاحيش غير لما تاخدى علقه كل يوم
وطبعا ماارتحش غير لما ادالها العلقه
البنت..ياماما نفسى اجيب موبايل زى اصحابى
الام..انا هلاقيها منك ولا من اخوكى انازهقت
الولد..ياترى هنتغدى ايه النهارده بصاره زى كل يوم
الام..لا ياحيله امك هناكل فضله خيرك فول وطماطم
الاب..افتحيلنا التلفزيون ياوليه خلينا نشوف اشكال احسن منكم
الام..طيب يااخويا بس متجيش فى الاخر تقول الكهربا غاليه
البنت..انا هقوم انام بقى من غير عشى زى كل يوم
الولد..يارب خدنى وارتاح من ام العيشه دى
وطبعا نامو من غير عشى زى كل يوم
انتظرو الحلقه التانيه
