كلمتين وبس للأعضاء

بسم الله الرحمن الرحيم


من غير مقدمات وندخل في الموضوع على طول

طبعا كلنا عارفين اهمية القسم ده
وانه صوت الاعضاء ومتنفسهم والمكان اللي بتعبروا فيه عن نفسكم
وكل واحد بيقول رأيه

علشان كده حبيت اقول لكم كلمتين
انا عارف انكم كلكم تعرفوهم بس مفيش مشكلة من التذكير برضه

المهم

ياريت يا جماعة نلتزم شوية وهقول كلمتين نعمل بيهم

ا) قبل ما تفكر تحط موضوعك اعمل سيرش باهم كلمة في عنوانه في الموضوع مش هتخسر حاجة لما تزيد ربع دقيقة كمان تعرف موضوعك موجود ولا لا

2) لقيت الموضوع مش مكرر عظيم يبقى نعمل ايه ناخد بالنا من اللي هنكتبه ونراعي ربنا فيه يعني منجرحش في حد منتكلمش عن حد نتكلم عن مشاكلنا والحاجات اللي مضايقانا باسلوب متحضر منظم مهذب

نراعي بعض في الردود منحطش ردود مستفزة علشان محدش يرد عليها رد مش كويس

لو التزمنا بالكلمتين الصغيرين دول

مش هنلاقي اي مشاكل

وخلوا بالكم اساس الحياة الصحيحة الالتزام

وتذكروا " ما يلفظ من قول الا لديه رقيب وعتيد "

وافر التحية ,,,,