فى تمى الأمديد مرشح يشترى اصوات الناس بسندوتشات كبده

ده يدل على أن السيد المرشح زيه زى مصطفى الجندى النوعيه واحده بس الأسم مختلف وحنا هنروح بعيد ليه مهما الوحيدين فى تمى اللى كانوا واقفين مع مصطفى الجندى
أنا بنصح الأخ حسام وبقوله فكر فى حاجه غير مجلس الشعب وغير تمثيل الناس لأنك أصلآ مش هتنجح وهيبقى شكلك وحش وهتضحك الناس عليك ففكلر فى حاجه ثانيه الناس تقف معاك فيها وعيب عليك لما تخلى جريده زى دى تكتب الكلام الوسخ ده عن تمى الأمديد لأن تمى أكبر وأشرف من الكلام ده وأهل تمى المحترمين اللى أنا بتشرف أنها مركزى أكبر من الكلام ده وفين الميسره الناس اللى بيفهموا فى المعاملة الكويسه يطلع واحدكبير منهم يصلح موقف الأخ حسام
للأسف هى دى يأهل تمى العقول اللى انتم عاوزنه تمثلكم فى البرلمان أهل تمى أشرف وأحسن بلد فى محافظة الدقهلية كلها تنتخب واحد بالشكل ده
إنا لله وإنا إليه راجعوان

بداية الموضوع المنقول عن جريدة ما عن المهندس حسام المسرى مجرد خبر والخبر يحتمل الصدق أو الكذب ومن المنطقى جدا ألا نتهم الناس جزافا وبلا دليل حيث أن هذه الجريدة المذكورة ليست دليلا صادقا يؤكد الخبر ، فما أكثر الجرائد التى تتهم الناس وتبنى موضوعات وحكايات وتنسج من خيالها قصصا وتصدقها ، ولو كانت جريدة مسئولة لما شغلت بالها بأمور كهذه ،
أنت من الممكن أن تصورنى أنا شخصيا وأنا عازم أصحابى على كبدة من عربية الكبده وتنشر الصورة فى الجريدة وتعمل منها حكاية والناس النهاردة جاهزة تصدق أى حاجة . وبعدين تعالى قول لى يا أستاذ يا محترم فين الصورة اللى نشرها الجرنال ده كان المفروض تنشرها فى الموقع علشان الخبر ليس كالمعاينة مش كده برضه ، يعنى مش معقول إن حسام بيه المسرى ابن الأصول لما يعزم أصحابه أو أقاربه على كبده نصوره ونقول الكلام الفارغ ده ، خليه يا أخى عزم ناس تانيين غلابة على كبده عرفت منين إنه عازمهم على كبده علشان أصواتهم ؟ مش حرام نظلم الناس واحنا صايمين برضه ؟ مش حرام نجرح فى الناس واحنا صايمين؟ انتم دخلتم جواه وعرفتم إنه عمل كده علشان يشترى أصواتهم؟ دا لو كان الخبر أصلا صحيح لأننى متأكد 100% إنها كذبة وتلفيقة مكشوفه جدا جدا جدا ومقصودة فى الوقت ده بالذات وطول عمرنا نعرف إن حسام المسرى وكل آل المسرى أهل خير وعمرهم ما بينسوا أهل بلدهم ، وده مش عيب على فكره " خير الناس أنفعهم للناس " وبالمناسبة حسام المسرى أزكى من كده بمراحل وأحب أريحكم ياعم مش حسام المسرى بس لا وأنا وأنتم عارفين إن الدورة دى مش بالأصوات ولكن اللى الحزب الوطنى هيجيبه هينجح وطبعا يا اذكياء حسام المسرى لو افترضنا جدلا وده مستحيل إنه بيشترى اصوات بالكبده مش هيبقى كاره فلوسه للدرجة دى ويشترى حاجة ملهاش سوق ولا هيبقى لها سوق .ودى حقيقة وده أكبر دليل على كذب وافتراء الجريدة الخايبة اللى نشرت الكلام الخايب الذى لا يعدوا إلا ان يكون محاولة لبيع الجريدة أو لشهرتها أو محاولة لتشويه أنقى واطهر صورة لأحد شرفاء وأطهار تمى الأمديد والذى أفخر بأن أكون أحد أبنائها .
هشام الجوهرى
كاتب بجريدة شباب مصر الأسبوعية عمود "جوهريات"[size=24][/size]

اخى شكرا على كلامك اللى بيحاول يهدى بين النفوس
بس تفتكر ان هما عمره يتوحدوا مع بعض ويختاروا صح ولو مره فى حياتهم

أنا داخل أرد على حاجه واحد بس هى يا أخوانى أن تمى مش عاوزه ألى واحد زى الراجل ده على فكره كل تمى كده عقولهم سبحان الخلاق بيفكروا بالطريقه ده هما كده وهيفضلوا كده وعمرهم ماهيتغيرو
وأنا عاوز أقول للأخ ألى بيقول
تمى أشرف وأحسن بلد فى محافظة الدقهلية
لامش صحيح خالص ده بلد متاخره جدا فى التفكير وأصلا مش عاوزين يفكروا ولو فكروا بيفكروا غلط
يابنى مع الأحترام والمقامات محفوظه مفيش أحله من الصلاحات
الصلاحات عروس الدقهليه
ياله مش هكلم أكثر من كده
كده كفيه
ده وجهة نظرى

ماشى يا ابو سالم
بتفرح فى اليوم الاسود

السلام عليكم اولا

احب اقول للاستاذ صلاح واللى بيسألوا لو الباشمهندس حسام كان من دائرتكم مش هتقدروا تقولوا الكلام ده كده عيب امال مين اللى هيشوف مصالح الدايره كل واحد بيعمل لاهل مدينته وللاسف من ايام الحاج محمد المسرى محدش عملنا حاجه حتى أ/محمد عبد المعطى والاستاذ اللى بيسأل عن ساندويتشات الكبده يقول لصاحبه صحيح وابقى خليه يجى ياخد له سندويتش عيب عليكم دا انتم من بلد واحده وبنعيب على التوانسه والجزائريين